बोलतो ते चूक आहे की बरोबर?
मी बरोबर वा खरोखर ती बरोबर?
काय डोळ्यांतून माझ्या दोष आहे ?
कोणताही रंग का नाही बरोबर?
बांध तू ताईत स्वप्नांच्या उद्याच्या
राख थोडी राहू दे माझी बरोबर
प्रश्न माझे अडचणीचे एवढे की
उत्तरे सांगू नये कोणी बरोबर
काळजी घे ! चांदण्याचा झोतसुद्धा
सौम्य कांतीला तुझ्या नाही बरोबर!
चुक तू होतीस हे शाबित होता
काय कळुनी फायदा की मी बरोबर !!
-संदीप खरे
No comments:
Post a Comment