Saturday, July 2, 2011

हृदय फेकले

हृदय फेकले तुझ्या दिशेने
झेलाया तू गेलीस पटकन्‌
गफलत झाली परि क्षणांची
पडता खाली फुटले खळ्‌कन्‌

हृदय फेकले तूही जेंव्हा
सुटले तेही,पडलेही पण
तुटले नाही-फुटले नाही
नाद निघाला केवळ खण्‌कन्‌

गोष्ट येवढी इथेच थांबे
अशा गोष्टींना नसतो नंतर
खळ्‌कन्‌ आणि खण्‌कन्‌ यांतील
कधी कुठे का मिटले अंतर

मन पोलादी नकोच तुजसम
असो असूदे काच जरीही
फुटून जाते क्षणी परंतु
गंजायाची भीती नाही

-संदीप खरे

4 comments:

  1. Will you please upload the latest kavita of Sandip Khare.. I heard it in ABK but don't remembered the full Kavita.. It was best.. The wording of the kavita is as follows.

    Ata tujhi athavan nahi din raat..
    Ata tujhi athavan nahi din raat..

    Kadhi bhar pavasat, kadhi ekatya Pravasat..

    ReplyDelete
  2. धन्यवाद मनीषा

    ReplyDelete
  3. @ SSP Nashik
    मी ही कविता अजून ऐकली नाही कधी.
    मिळाल्यास जरूर पोस्ट करतो.
    धन्यवाद!

    ReplyDelete