Thursday, February 11, 2010

हा प्याला शेवटचा

हा प्याला शेवटचा
आता थेंब सुद्धा नको
साधा गंध सुद्धा नको
आली पेंग दिली गालावर टिचकी

उजाडले तरी काय उजाड धरती
मावळता दिस येते डोळ्याला भरती
वर तिचा चंद माझ्या पेल्यातून झुले
घोट घोटा सवे रात कसनुशी बोले

कुणी दिला हात कुणी सावरले मला
कोण रागावले कोण घाबरले मला
भिवून का मनातले बोलणार नाही
मला ठाव कुणालाच कळणार नाही

दिसतात जुने जुने कितीक चेहरे
जुना जुना स्पर्श माझ्या देहात थरारे
जुने घाव आता पुन्हा नव्याने नको रे
हालचालींवर माझ्या क्षणांचे पहारे

अरे आता नको पाजू मला चढली अफाट
दिसू लागे नजरेच्या पल्याडची वाट
देहा सवे वाटेस त्या जाणे नाही होणे
बहिर्‍याच्या गावी नको म्हणायला गाणे

स्वर- संदीप खरे
संगीत- संदीप खरे
गीत- संदीप खरे
अल्बम- कधी हे कधी ते

No comments:

Post a Comment